El materialon

by Giglio Padovan

4 El materialon Giglio Padovan XIX Soneti triestin

Indice:Trieste vernacola.djvu

Giglio Padovan

El materialon

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL MATERIALON.

Vado con le mie femine in Arquà
Per visitar la casa de quel tal
Canonico bislaco, original,
Che Laura e sempre Laura n'à cantà.

Cossa trovo? Un scritorio, un caramal,¹
La sua poltrona e un gato imbalsamà;
E dopo un'ora che me son secà,
Vegno via, se pol dir, come un stival.

I me conta che i òmini più fini
Varda quele cagnere² co rispeto
E a peso d'oro le voria comprar:

Mi digo che i xe mati da ligar;
Corpo de bio, ma se i le porta in gheto
Giacobe no ghe dà zinque fiorini.

Dialetto triestino.

---

Note

1. caramal, calamaio.
2. cagnère, in questo caso, bazzecole, cose di poco valore; ma cagnère vuol dire anche roba da cani, p. e., di uno spettacolo teatrale scadente si suol dire: xè stada una cagnèra.