El mio gatin xe picolo e grazioso
E come un putelin zogatolon;1
El xe ladro, el xe furbo, el xe goloso,
E al mondo no ghe xe più gran poltron!
Co 'l vedi un can, el xe tuto rabioso,
E pronto 'l sta per darghe zo un sgrafon,2
Ma se 'l pol, el la fa de coragioso,
Scondendose in premura3 in t'un canton!
Coi bàcoli, coi sorzi e pantigane,4
El xe in guera continua e no 'l se stufa,
Che a un sorzo 'l ghe sta drio do setimane!
Ma quando 'l ga impignì la panza a ufa,5
Sui copi6 dele case più lontane
El cori co le gate a far barufa.
Note
↑E come un putelin zogatolon, baloccone come un bambino
