El gato

by Eugenio Barison

4 El gato Eugenio Barison XX Soneti triestin

Indice:Trieste vernacola.djvu

Eugenio Barison

El gato

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL GATO.

El mio gatin xe picolo e grazioso
E come un putelin zogatolon;¹
El xe ladro, el xe furbo, el xe goloso,
E al mondo no ghe xe più gran poltron!

Co 'l vedi un can, el xe tuto rabioso,
E pronto 'l sta per darghe zo un sgrafon,²
Ma se 'l pol, el la fa de coragioso,
Scondendose in premura³ in t'un canton!

Coi bàcoli, coi sorzi e pantigane,⁴
El xe in guera continua e no 'l se stufa,
Che a un sorzo 'l ghe sta drio do setimane!

Ma quando 'l ga impignì la panza a ufa,⁵
Sui copi⁶ dele case più lontane
El cori co le gate a far barufa.

---

Note

1. E come un putelin zogatolon, baloccone come un bambino
2. un sgrafon, una graffiata
3. scondendose in premura, nascondendosi in fretta
4. bàcoli, sorsi e pantigane, blatte, topi e ratti
5. a ufa, a sazietà
6. copi, tegole.