El filantropo

by Edoardo Polli

4 El filantropo Edoardo Polli XX Soneti triestin

Indice:Trieste vernacola.djvu

Edoardo Polli

El filantropo

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL FILANTROPO.

El pesta 'l timbro,¹ e vien el segretario.
«La comanda, signor comendator?»
— La cioghi un poco in man el calendario.
Doman no semo ai oto? — «Sissignor!»

— Me pareva anca a mi. Se no zavario,²
Xe un ano che go perso el fio dotor.
Qualche oblazion pe 'l tristo aniversario
Ghe vol. Cossa la disi? — «Sissignor!»

— Bezzi³ e lista eco qua. La cori, sù,
Perchè le redazioni dei giornai,
Se la ritarda, 'verte no xe più....

Ga batù — Chi xe?... Un povaro?... In malora!
No i lassa in pase, sti pitochi, mai!...
La dighi che 'l paron xe andado fora.

---

Note

1. el timbro, in questo senso: il campanello
2. zavario, da zavariar, vaneggiare, essere fuori di senno; ma è vocabolo più veneziano che triestino. Il Kosovitz infatti non lo registra nel suo «Vocabolario-Dizionario del dialetto triestino»
3. bezzi, denari.