El capel al'areoplano

by Attilio Turco

3 El capel al'areoplano Sonetti Veronesi Sonetti Veronesi/Parte V - Trento e Trieste El Carneval del 1916 Le tramviere Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

El capel al'areoplano

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  El Carneval del 1916

Edission e fonte ▼

Le tramviere  →

EL CAPEL AL'AREOPLANO

Me morosa, 'sta mostra¹ de ’na fiola
     La marcia col capel al’areoplano;
     L’ultima roba vegnù fora st’ano,
     Tolta zò sul model de quei che sgola....

L’à visto la mojer de ’n capitano
     Co l’ala in testa e la g’à fato gola,
     E, sensa dirme gnanca ’na parola,
     Par fi-fio² che ghe manda a monte el piano,

L’à sfodrà³ ’l capelon tuta contenta
     E la m’à dito: guàrdeme, te piaso?
     Gh’è mancà un fil, che no’ ghe scaraventa

Un bruto pugno, da s-chissarghe ’l naso...
     Ma ela, con quel far che me inamora,
     La m'à dà un baso... e gò passado sora!⁴

---

Note

1. mostra ― birichina;
2. fi-fio ― paura;
3. sfodrà ― messo per la prima volta;
4. passado sora ― lasciato correre.