El Ritrato d'Edoardo

by Marco Pescante

3 VII. El Ritrato d'Edoardo
Madrigale Saggio di poesie veneziane Poesie di vario genere VI. El Vin VIII. La Guarigion Marco Pescante 1835 XIX

madrigali

Marco Pescante ―  Saggio di poesie veneziane  ―  Poesie di vario genere

VII. El Ritrato d'Edoardo
Madrigale

1835

Edission original:	Marco Pescante, Saggio di poesie veneziane, Venezia, dalla tipografia di Luigi Plet, 1835
Fonte:	Indice:Saggio di poesie veneziane.djvu

←  VI. El Vin

Edission e fonte ▼

VIII. La Guarigion  →

EL RITRATO D'EDOARDO

Madrigale

VII.

Al Putin de l'Amigo,
Del primo Amigo mio (belezza nova)
Depenzarghe el Ritrato
Vôi subito, ma esato:
5Sentilo, in brevi termini vel digo;
Sentìlo, e inamoreve,
Smirèlo, e imbalsemeve. —

La testa xe un Modelo da Canova;
Le cioche folte e bionde
10Sule spale ghe scherza come l'onde;
De grazia e legiadrìa
Xe un Modelo la so fisonomia,
E xe in quel bel visin, che sforza a un baso,
Tuto proporzionà, la boca e el naso.
15Nei ochi brila el genio del candor...
Vien qua, Madre d'Amor,
No lo andar più a cercar per Cipro, o Gnido,
Vien, che l'è qua a Venezia el to Cupido.

Ah! sì, sto Bamboleto xe un Modelo

20Da Tizian, Tintoreto e Rafaelo.
Quatr'ani solamente el ga d'età,
E el par el dio d'amor spuà incarnà...
Nè ghe manc'altro ch'el turcasso e el dardo. —
Chi xelo questo? Frassine Edoardo.