El Can e 'l Gato

Da Wikisource
Vai alla navigazione Vai alla ricerca
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
El Can e 'l Gato
XVIII secolo

 Edission original:   

Francesco GrittiPoesie di Francesco Gritti in dialetto veneziano, Terza edizione ricorretta e accresciuta, Venezia, G. Missaglia, 1824

 Fonte:

Indice:Poesie di Francesco Gritti in dialetto veneziano.djvu

Edission e fonte ▼
[p. 164 modifica]
EL CAN E 'L GATO


Oe, per pagar le fritole a l'amigo
    Toni ha vendù el so can geri al mercà.
    Fasan da la so' corda se destriga,
    E torn'a casa! el gera nato là!
    5I lo cerca, i lo trova, i te lo liga,
    I ghe paga a legnae la fedeltà,
    E i lo torna a cazzar, ma con fadiga,
    Dal sior conte Susin, che l'ha comprà.
Stava sustando el povero Fasan,
    10Sorpreso, desolà. — Dizè compare,
    (Ghe sgnaola arente un bel Gaton surian)
V'ha dà da intender vostra siora mare,
    Che i paroni ne tegna Gato e Can
    Per i nostri bei occhi? Ghe xe care
             15Le bestie le più rare,
Fin che i ghe n'ha bisogno; e po schiao siori,
    I sacrifica amici e servitori,
             Ai bisogni magiori.
    La me xe nata a mi, là dal Curato,
    20Dopo dies'ani! — Zorzi,
    In casa gh'è più sorzi? —
    Sior no! "Cazzemo via, donca, sto Gato. —
             E vu, sior Fasanelo
Ve credèvi esentà? Se' propio belo!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_Can_e_%27l_Gato&oldid=41611"