Dove xe Amor? me dise un dì Nineta

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 34 modifica]
XX


Dove xe Amor? me dise un dì Nineta:
     — Sta to domanda me fà ben stupor,
     Respondo mi: per tuto ghe xe Amor,
     4Nè gh'è cossa che a lu no sia sugeta,

Lu de l'Alba montà su la careta
     El dì el ne mena, e'l fa che'l nasse e 'l muor;
     Lu co l'acque e coi pessi al mar el cor,
     8Lu co le bestie e i osei fa smissianzeta.

Buta le piante? Lu butar le fa,
     Lu dà ai zegi e a le riose el bianco e'l sguardo.
     11I fiori sa da bon? el xe 'l so fià.

Ma far veder co el vol la so grandezza,
     E tirar cuori soto el so stendardo,
     14Alora el vien po a star su la to Drezza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Dove_xe_Amor%3F_me_dise_un_dì_Nineta&oldid=41595"