Dio lo vol

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

El barcariol

Dio lo vol

12 aprile 1848

Edission original:	La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886
Fonte:	Indice:La gloriosa epopea.djvu

Edission e fonte ▼

Canto patriotico scrito durante l'insuression de Venexia contro i Austriaci del 1848-49, vegnù fora a firma de "El barcariol", probabile pseudonimo de Jacopo Vincenzo Foscarini (Nota de Wikisource)

[p. 87 modifica]

DIO LO VOL

1Dio lo vol! sentiu che a tuti,
    Dio lo vol, el cuor ne dise,
    Dunque certi de i so agiuti
    Indossemo le divise
    De la patria libertà;
    Dio lo voi, Dio n'à ciamà.

2Guera ai sordidi Todeschi
    Che n'à opresso e n'à avilìo,
    Morte al barbaro Radeschi
    Che fa strage e insulta Pio,
    Guerra a chi n'à conculcà;
    Dio lo vol, Dio n'à ciamà.

3Italiani all'armi, all'armi
    Fero, piombo, bronzo, fogo,
    Piere, copi, travi, marmi
    Doparemo in ogni lego
    Per cassar via da de qua
    La todesca crudeltà.

4De l'Italia ogni contrada
    Che se veda alzar la Crose,
    Schiopo in spala, e in man la spada
    Una sola sia la ose
    Che ripeta libertà;
    Dio lo vol, Dio n'à ciamà.

5Generosi citadini,
    Tuti in massa arditi e pronti
    Fora presto de i nostri confini,

[p. 88 modifica]

    Al de là dei nostri monti
    Rebalteremo l'empieto,
    La Todesca crudeltà.

6E sterminio e morte ai cani
    Che da cani ne tegniva,
    La semenza dei tirani
    No ga qua da restar viva;
    La Crociata s'à formà,
    Morte a chi n'à maltratà.

7E l'ofesa, e la difesa
    Col fusil e co la spada
    Vegna in casa, in piaza, in Ciesa
    Da per tute predicada,
    Ogni omo sia soldà,
    Dio lo vol, Dìo n'à ciamà.

8Sia teror de imperatori,
    Che gran lega stabilissa,
    La bandiera a tre colori
    E Leon, Triregno e Bissa,
    De l'Italia le Cità
    Che no sia che un'unità.

9Su fradei, su pari e fioi
    Bando ai vizi, e siemo forti
    Invidemo i veci eroi
    Vendichemo i nostri torti,
    Dio le forze ne darà:
    Dio lo vol, Dio n'à ciamà.

10In Italia chi xe nato
    E ga sangue in te le vene,
    Chi vissudo xe onorato
    E in dolor fra le caene,
    Diga: Morte o libertà,
    Guera a quei che n'à incaenà.

11Morir prima ancuo bisogna
    Che tirar un passo indrio;
    Chi voi viver in vergogna
    No poi gnanca invocar Dio,
    In Dio vita no se gà
    Carezzando la viltà.

[p. 89 modifica]

12Generosi mostrè el pèto,
    De' un'ochiada al vostro cielo,
    Rescaldai da patrio afeto
    Da la scuola del Vangelo,
    Combatè, cossa sarà?
    Dio lo vol, Dio v'à ciamà.

12 Aprile.

El Barcariol.