Dal molo

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  Su l'aqua limpida Edission e fonte ▼ Su la laguna  →
[p. 24 modifica]
DAL MOLO



All'amico Guido Fubini.

El çiel xe ciaro: trema el firmamento,
     La luna va tra bianche nuvolete;
     Che note bela! che armonia! che quiete!
     4Che delizia el passar fresco del vento!

'Na gondola atraversa el pian d'arzento
     De l'aqua che la luna alta riflete....
     Che splendido quel specio, e quele ondete
     8Che se stua, che se impizza1 ogni momento!

El gondolier là zo canta: se sente
     La so' canzon lontana: che dolçezza
     11'Sto sôn che vien, che l'anema comove!...

Cara Venezia mia: par sempre nòve
     Le to delizie vecie: la belezza
     14Vera cussì2 la resta eternamente.



  1. che se stua, che se impissa = che si spengono, che si riaccendono.
  2. cussì = così.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Dal_molo&oldid=60051"