Cossa v'à fato, o done veneziane

by Jacopo Vincenzo Foscarini

4 Cossa v'à fato, o done veneziane Jacopo Vincenzo Foscarini XIX Soneti

Indice:Raccolta di poesie in dialetto veneziano 1845.djvu

Jacopo Vincenzo Foscarini

Cossa v'à fato, o done veneziane

XIX secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

Cossa v'à fato, o done veneziane,
     Quel vostro bianco povero faziol,
     Che in testa nicolote, e castelane,
     4Ve metevi in leon co gera el sol?

E perchè invece ancuo porta le lane
     Le muger e le fie del barcariol,
     Come le dame, come le sultane,
     8Che va in pompa cussì perchè le pol?

Spiegheme sta rason de cambiamento,
     O de Venezia mia bele donete,
     11Che muar ve fa stato e portamento.

Credeu che i possa dirve muneghete
     Col bavareto in testa, o che spavento
     14Le done possa far modeste e nete?