Chi xelo?

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
100 percent.svg
Qualità del testo: sto testo el xe stà trascrito e rileto.
[p. 24 modifica]
CHI XELO?


Un che no ga nessuna Religion:
     Che ’l publico no stima, nè ’l privato:
     Un che no ga altra Massima de Stato
     4Che ’l so proprio interesse e l’ambizion;

Un che la so’ propria condizion
     Nol ghe la cederia a un Potentato,
     Un che ghe vol imponer al Senato
     8Come sel fusse lu solo el Paron.

Nol nomino; ma mi no so veder
     Che a un omo de sta sorte ghe sia dà
     11In Republica ancuo sto gran poder.

Forse per manco in la latina età,
     Mi credo che za ognun possa saver
     14Quel che a Cesare un dì la gh’à costà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Chi_xelo%3F&oldid=65692"