Campo de l'Arsenàl
|
1917
|
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← Campo ai do pozzi | Edission e fonte ▼ | RIME CORTESANE → |
La xe stada la casa dei oto ani,
dai quatòrdese fin ai vintido,
dei ani più tremendi e più malsani,
4ma dove go imparà quelo che so.
I ani del Liceo, de la pleurite,
dei nervi scossi che me fava mal,
de vertigini in testa e forti fite,
8zo per la fondamenta a l'Arsenàl.
I ani che lezéva zorno e note
a casa, a scuola, in strada, in biblioteca,
de sere malinconiche e pianzòte,
12de le prime sconfite che ne seca.
I ani che coreva via filato
ai Zardini per ore a caminàr,
e a Padova doveva far el mato
16quela strazza de laurea per ciapàr.
De le gran spassizàde per la Piazza,
o ne le sale de l'Esposizion,
de fadighe de ogni ora che ve mazza
20e la testa patìa de indigestion.
Quando go visti per la prima volta
i mii versi stampai sora el Tonin1
e scrivea quatro articoli, co molta
24boria, col nome in grando su la fin.
Quando i amiçi vegnìa a torme in sàndolo
e se vogava svelti fin Muràn,
e se lezeva, un poco criticandolo,
28de D'Annunzio el romanzo più malsàn.
O casa vecia, casa de passion,
fin al zorno che te go abandonà
e in vaporeto, via per la Stazion
32a patìr da lontan no son scampà!
- Note a cura de l'autor
- ↑ Il Sior Tonin Bonagrazia è un giornale umoristico veneziano.