Campo ai do pozzi

by Umberto Foà

4 Campo ai do pozzi Nuove rime veneziane di guerra e di pace Viçin de la mia cuna Campièlo del vin Campo de l'Arsenàl Umberto Foà 1917 XX

poesie

Umberto Foà ―  Nuove rime veneziane di guerra e di pace  ―  Viçin de la mia cuna

Campo ai do pozzi

1917

Edission original:	Umberto Foà, Nuove rime veneziane di guerra e di pace, Firenze, Libreria Internazionale, 1917
Fonte:	Indice:Nuove rime veneziane di guerra e di pace.djvu

←  Campièlo del vin

Edission e fonte ▼

Campo de l'Arsenàl  →

CAMPO AI DO POZZI

Campo ai do pozzi, casa del zardin,
de la riva, dei bagni nel canal,
casa de quando gera buratin
4e al Ginasio studiava tanto mal.

Casa del primo volo matutin,
de remàe nel canàl de l'Ospeàl,
quando che ancora gera un fià putin
8e ciapàva za l'aria liçeal.

O che bagni! che bagni! con i pie
roti da qualche vero o qualche piato....
11Sui scalìni scoàzze¹ e strigarìe....

e quante volte el morto no go fato,²
lassàndome da l'aqua portar via,
14squasi dormindo, riposà, beato!

---

Note a cura de l'autor

1. Immondizie.
2. Far el morto, modo di nuotare supini con poco moto.