Berenice, per quanto go sentìo

by Gian Giacomo Mazzolà

3 LX I cavei de Nina LIX LXI Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LX

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LIX

Edission e fonte ▼

LXI  →

LX

Berenice, per quanto go sentìo,
     A la mare d'Amor s'avea invodà,
     Se vincitor tornava so marìo,
     4De tagiarse la Coa tanto stimà.

Otegnùda la grazia, el zorno drio
     A desfar el so voto essendo andà,
     A l'altar de la Dea tuto fornìo
     8I so rari Cavei la ga tacà.

El dì dopo no s'à trovà più Coa...
     Bela per sbrio! Credeu che no capissa?
     11Venere se la ga zontà a la soa.

Vardete, Nina mia, tientela fissa,
     Che no ghe fazza vogia anca la toa,
     14Che fa el solo timor che sgangolissa.