Basi... gnente
|
Edission original: |
Giuseppe D'Alpaos, Svoladine e refoli, Venezia, Fratelli Visentini, 1897 |
|
Fonte: |
Indice:D'Alpaos - Svoladine e refoli, Venezia, Visentini, 1897.pdf |
| ← Ma, chi me dise a mi... | Edission e fonte ▼ | Amor! amor! amor! → |
BASI... GNENTE
Se un pizzegon che dago a la morosa
Me capita improviso un bon s'ciafeto
Se ghe domando apena un so baseto...
Alora la me fa la schizzignosa!
Ma se ghe tegno el muso e per dispeto
Minaçio de catarme un'altra tosa,
La me se cambia in bota e premurosa
La core, la me ciapa e... adio progeto!
Se pensarà, co questo, che la çeda,
Che la me daga el baso che voria..,
Ma gnanca per insonio!... I me lo creda:
Ghe xe çerti momenti che..., de dia!..
Bisogna che per forza me rafreda...
Se vogio che'l brusor me vada via!