Avemaria

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 41 modifica]
Levi - Versi in dialetto triestino (page 41 crop).jpg




Avemaria


     Vien qua mora, mi te adoro
Sol per ti me bati el cor,
Ti ti sa mio bel tesoro,
Che xe un gusto far l’amor.

               E quando sona l’Avemaria,
               Mi sula boca te baserò,
               Che sempre, sempre ti sarà mia
               Al cor strenzendote te giurerò.

     No te vestirò de raso,
Ma mia sposa te farò
E compagni al primo baso,
Tuti quanti te darò.

               E quando sona l’Avemaria, ecc.

[p. 42 modifica]


     El mio vero amor aceta,
E no stame far morir,
De sì disi benedeta
Che comincia za a imbrunir.

               E quando sona l’Avemaria, ecc.

     Scolta, dai la mia preghiera.
Mi te condurò al altar,
La campana dela sera,
Incomincia za a sonar.

               E quando sona l’Avemaria, ecc.






Musica dei M.i G. Gianfrè e Michelangelo
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Avemaria&oldid=69332"