Alora e adesso
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Telegrafo senza fili | Edission e fonte ▼ | Mare e fia → |
Alora e adesso
Povareta, to visto e so restà,
come se dise, so restà de piera.
Geristu proprio ti, m'ogio sbaglià?
Corpo de bio! l'autuno in primavera.
Ma dove mai dei to ocioni xe andà
el lampo de 'na volta? E in che maniera
el late-vin del viso s'à cambià
col zalo che te fa na bruta çiera?
Xe forse un novo amor che te descola
o xe 'l pensier d'un amoreto vecio?
Cossa te dise 'l cuor quando che sola
ti stà dele mez'ore avanti el specio?
diselo che sparìa la zoventù
resta i ricordi solo e gnente più?