Al poeta batelante
|
Edission original: |
La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886 |
|
Fonte: |
| Edission e fonte ▼ |
Bravo Bepe, me consolo
Che poeta ti t'ha fato,
Batelante mezo mato
4Qualche volta pol sbagliar.
Anca mi vogio provarte
Che so dar qualche consegio:
Che nu popolo, xe megio
8Che pensemo per po far.
Ti, ti à dito che al Governo
Ga da star el gran Manin.
Cavedali sia vissin
12Lori soli à da restar.
La sentenza che ti à scrito
La xe proprio da massera
Dime mo, Marina e Guera
16Xele cosse da lassar?
No ti sa quanto che Pepe
Ga patìo per i talgiani,
Dove cassistu Graziani
20Galantomo e sior del mar?
Tuti quatro sti omenoni
El bon popol Venezian
Li vol tuti al primo pian
24Del palazo Nazional.
Sta pur serto, Bepe caro,
Che a distruger i patani
Ghe vol Pepe, el bon Graziani
28Con quei Do pieni de sal.
- 25 Gennaio.
- Nane
- 25 Gennaio.