Cavedali sia vissin
12Lori soli à da restar.
La sentenza che ti à scrito
La xe proprio da massera
Dime mo, Marina e Guera
16Xele cosse da lassar?
No ti sa quanto che Pepe
Ga patìo per i talgiani,
Dove cassistu Graziani
20Galantomo e sior del mar?
Tuti quatro sti omenoni
El bon popol Venezian
Li vol tuti al primo pian
24Del palazo Nazional.
Sta pur serto, Bepe caro,
Che a distruger i patani
Ghe vol Pepe, el bon Graziani
28Con quei Do pieni de sal.
- 25 Gennaio.
- Nane
- 25 Gennaio.
Qualunque sia che scriva
Mi no m'importa un'aca,
Me basta che i descriva
4Quel che no se destaca.
Intendo a dir co questo,
Che quando xe stampà,
Tuti gabia da lezar,
8Capir e lassar là.
Sento che un batelante
Esalta assae Manin,
