Salta al contegnùo

Al Senatore Giovanni Faldella (Per Onomastico)

Xonta lingambo
Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 65 modifica]
Al Senatore
GIOVANNI FALDELLA
(Per Onomastico)


Come 'l canto de un povaro oseleto
     cufolà de matina in t'un rameto;
     come un ragio de soi che apena fora
     spande alegria su tuti e tuto indora;

come el riso inoçente e benedeto
     che d'un bambin lampisa sul viseto;
     come realtà d'un sogno che inamora
     quando la mente insieme al cuor lavora;

come una fede che tien su chi spera
     zo par la strada de l'uman destin;
     come 'l puro del çiel quando a la sera

quieto e tranquilo zira 'l gran lumin;
     come de mama el baso in fronte al fio,
     cussì ghe vegna l'augurio mio.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Al_Senatore_Giovanni_Faldella_(Per_Onomastico)&oldid=75607"