Al Malibran
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← In gondola (Idilio lagunar) | Edission e fonte ▼ | Al Goldoni → |
― «Vustu meter la Norma e la Lucia,
O el Rigoleto? Fàme sto piacer!»
― «Ciò, la Tosca xe megio!» ― «Ma va via...
Càteme fora, zo, 'n altro Barbier.»
― «Ghe xe Pagiazzi e la Cavalaria...»
― «Sì, e i Bersaglieri; e po?» ― «L'Andrea Chenier»
― «Bela roba!» ― «E po dopo ghe saria...
A, e la Fedora?» ― «Roba da marçer!»
― «Pucini, el xe un gran genio!» ― «No lo nego.»
― «E Giordano, un Belini.» ― «Busareti!»
― «Mascagni po, xe 'n altro Verdi...» ― «Oh, prego!
Verdi, Ponchieli, Boito, Donizeti...»
― «(Veci!» ― «Ma sempre zoveni); e Rossini,
Questi xe mestri! e st'altri i xe..» ― «(Sorbetiii)!»