A una signora

by Ferruccio Piazza

4 A una signora Ferruccio Piazza XX Soneti triestin

Indice:Trieste vernacola.djvu

Ferruccio Piazza

A una signora

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

A UNA SIGNORA.

Bela signora, che la passa via,
Vestida meio come una regina,^[1]
La vardi, quela picia putelina
Che la speta che un soldo la ghe dia.

La vardi qua sta gente che strassina
Sti pesi, come mussi che i saria,^[2]
Oh no ghe fa vignir malinconia,
Vedendo sta miseria che camina?

Ah, ghe fa schifo a lei, quel che lavora.
Che xe tacai de polvere e sudor?
Ma i xe ben neti, basta che i se lavi!

Ma quel sporco, la sa, bela signora,
Che zerta gente porta in fondo al cor,
No xe acqua e savon, che ghe lo cavi!

---

Note

1. vestida meio come una regina, vestita meglio di una regina. La forma meio come anziché meio è un idiotismo popolare, purtroppo infiltratosi nel dialetto; ma poichè ha qualche cosa di duro e di esotico, vorrei fosse evitato; anche in questo caso si sarebbe detto benissimo: vestida meio che (o de) una regina
2. come mussi che i saria, come se fossero asini, (costruzione grammaticale un po' involuta).