A Edmondo De Amicis
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Lege de compenso | Edission e fonte ▼ | Telegrafo senza fili → |
A Edmondo De Amicis
Vegniva via d'Ufizio zorni fa
a çinque e meza zo dal Corso Umberto,
e, apena fora in strada, fra l'inçerto
ciaror del dì che gera squasi andà,
me so imbatudo in Ela. — E go notà
che par quanto l'arzento gabia verto
botega da bianchin, xe ancora çerto
che no ga fato rughe la bontà.
In quel momento gera là par far
el mio dover col saludarla tanto;
ma 'l fermarla a quel'ora, e 'l desturbar
el so pensier che forse ordiva un canto,
m'à consegià de andarmene via drito
e de mandarghe el mio saluto in scrito.