Ultima volontà, o sia vero testamento de sior Tonin Bonagrazia/02
|
Edission original: |
Francesco Angelini, Ultima volontà, o sia vero testamento de sior Tonin Bonagrazia, nobile da Torcelo famoso conta storie venezian tolto da un original in prosa scrito da lu stesso, poesia strambo-critica di Francesco Angelini, Venezia, Zambatista Merlo, 1858 |
|
Fonte: |
| ← 1 | Edission e fonte ▼ | 3 → |
El Palazzo mio più grando
Che go ai fanghi de Torcelo,
Col coverto de mazegni,
4Redità da mio fradelo,
Ghe lo lasso a mie Sorele,
Ma lo lasso co sto pato:
Che del teto tute eguali,
8Tante parte vegna fato,
Da pusarghele a la testa,
Co' al passegio le anderà,
Perchè tuti co' le vede
12Le conossa se no i sà,
Che le xe l'Ilustrimissime
Mie magnifiche Sorele,
Procurar ch'el staga saldo
16Inchiodà fra carne e pele,
E se alcuna rifiutasse
De portarse drio sto peso,
Sia diviso in pari partibus
20A le altre, ben'inteso.
Ergo sicut destinabis
Rifiutantis?.. deredabis.