Un'onta e una ponta/49
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 48 | Edission e fonte ▼ | 50 → |
- 49.
Carátere, decoro, serietà
manca!... Par tuto facile e permesso
basta disinvoltura... eco el progresso
falso de la moderna soçietà.
Trópi lavora co' disonestà;
st'altri, co' indiferenza, compromesso
vede 'l bon nome, l'avegnir istesso
de la patria... o i stà ziti per viltà.
Quante lagrime, sangue, sacrifizii
ábia costà la nostra redenzion,
quanta galèra e barbari suplizii
no se recorda più; come se tuti
i eroismi e 'l sofrir de una nazion
dovesse andar a prò dei farabuti!