Ultima volontà, o sia vero testamento de sior Tonin Bonagrazia/01
|
Edission original: |
Francesco Angelini, Ultima volontà, o sia vero testamento de sior Tonin Bonagrazia, nobile da Torcelo famoso conta storie venezian tolto da un original in prosa scrito da lu stesso, poesia strambo-critica di Francesco Angelini, Venezia, Zambatista Merlo, 1858 |
|
Fonte: |
| ← [INISSIO] | Edission e fonte ▼ | 2 → |
1.
Ghe destino un bel Legato
Ai Lustrissimi Fradei,
Ma lo vogio ben curioso
4Ch'el sia uno dei più bei;
Se sarò tratà da mato
Da la mia Posterità,
No m'importa, che i me diga;
8Ma cussì go destinà.
Vòi lassarghe quel Corbato
Pien de Aghi damaschin,
Che ogni zorno i ghe ne beva
12Un pocheti drento el vin,
Perchè vòi che i se recorda
Ogni volta che i xe a tola,
Ma col pato che i l'ingiota,
16Senza dir una parola.