Ultima volontà, o sia vero testamento de sior Tonin Bonagrazia/00
|
Edission original: |
Francesco Angelini, Ultima volontà, o sia vero testamento de sior Tonin Bonagrazia, nobile da Torcelo famoso conta storie venezian tolto da un original in prosa scrito da lu stesso, poesia strambo-critica di Francesco Angelini, Venezia, Zambatista Merlo, 1858 |
|
Fonte: |
| ← INTRODUZION | Edission e fonte ▼ | 1 → |
Venezia ai trentadò
Del mese che va drio
Del secolo che core
4Che squasi xe fenio;
Regnando chi che regna,
D'Inverno, che xe 'l fredo,
La Volontà mia ultima
8De dcstinar mi credo.
In nome de quel'Ente,
Che a tuti stà de sora,
El Testamento fasso
12Sentindo che xe l'ora
Che go d'andar in barca,
E trapassar quel fiume,
Per questo lasso dito
16Che me mandè in costume,
Vòi dir, co la Velada,
Col solito Capelo,
Per ciò che co' i me vede,
20De mi i fassa bordelo,
Che i diga, xe qua 'l Nobile,
Ch'andava a remengon,
A contar suso frotole,
24Che fava da bufon.
Che i diga pur vedendome,
Quei scempi de de là,
Intanto le Sostanze
28Che go, le lasso quà.
Me trovo a mente sana,
Me sento in stato bon,
La Volontà mia ultima
32Despiego a tombolon.
Et ego laborabo
Quondam destribuendum,
Sicut in porportionem,
36Proportionare intendum.