Sul caligo de sti zorni

Da Wikisource
Jump to navigation Jump to search

EPUB   MOBI   PDF   RTF   TXT
Qualità del testo: sto testo el xe stà trascrito e rileto.
Sul caligo de sti zorni
1812-13
Edission e fonte ▼

[p. 3 modifica]

SUL CALIGO DE STI ZORNI.


Co sto tempo chi vol fazza soneti,
Che mi dasseno1 farghene no posso,
Se xe un caligo2 cussì fisso e grosso
4De poderlo taiar e far paneti.

L'è nemigo zurado dei poeti
E el ve se peta con tal forza adosso,3
Che el cervelo el ve fa stupido e flosso4
8Incapace de far gnanca conceti.

Cossa mai xe el caligo de Guiana
In confronto de questo, e cossa mai
11Xe fina el caligazzo de Lubiana?

Tal caligo, per Dio, gnanca lo trovo
In quei libroni che xe comentai
14El Testamento vecio con el niovo.5



Note a cura de Giulio Piazza
  1. dasseno, davvero.
  2. caligo, nebbia.
  3. el ve se peta con tal forza adosso, vi si caccia addosso con tal forza.
  4. flosso, floscio.
  5. niovo, per nuovo è pretto veneziano. Il triestino dice novo.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Sul_caligo_de_sti_zorni&oldid=66467"