Siè cantè sora la villa/Per l'anno 1757
|
Edission original: |
Siè cantè sora la villa, colla zonta d'altre composizioni sora el Vendri Gnoccolaro de Verona, Verona, Dionigi Ramanzini, 1784 |
|
Fonte: |
| ← Per l'anno 1756 | Edission e fonte ▼ | Per l'anno 1758 → |
ALtro no, no podea far sgazolar,
Che d'un ZENOBRIO el Lomo, el Cor, la Man,
Sto poro Vecchio el Vendri Gnoccolar;
E a posta aposta son vegnù pianpian
Quan ho savesto che ghe tocca a Lù
Far dei Gnocchi sto solito Baccan.
Mi me recordo ben quan l'è nassù,
Che là donv'era se fè gran legrìa,
E col me schioppo an mi ghe fè tù tù.
E la so Corte era Corte bandìa,
Se magnè se bevè quanto se vosse,
E pan e vin, e se 'n portè anca via.
Hò chigo ancora armemorà ste cosse,
Perch'agnun sappia quanto amo, e respetto
Sto Cavaglier sibben no 'l me cognosse.
A proposito torno, e su 'l suggetto
De dir de Lù quarcossa in te sto dì,
Che de vedro gran cose mi me spetto.
Cara Patria, no t'è visto mai pl
Un To Figiolo chigo a governarte,
E però scrivi quel che digo mi:
No miga no d'un Libro in su le carte,
Ma sù malmaro fin, sù 'l bronzo aterno
Quello che 'l và fagando a parte a parte,
Che 'l tal anno fu chigo al to governo
El Conte Verità ZENOBRIO, degno
Del to respetto e del to amor materno;
Scrivi, ch'el cor, l'occhio, la man, l'inzegno
Tutto impegnè per Ti, che l'há toccà
D'ogni savio Rettor l'ultimo segno;
Scrivi, che in tutto el tempo che l'è stà
Chigo Rapresentanto, no s'hà mai
Sentù nessun che s'habbia lomentà;
Che no s'hà mai sentù ne visto guai,
La pase e la Giustizia se pol dir
Ch'al so governo g'hà servì d'occhiai;
Scrivi che l' hà savesto infin supprir
Per un PISANI so caro Colega
Ch'in perigolo l'era de morir.
Per el qual tanti gh'è che pianze e prega
El Ciel, che vogia ancora conservarlo,
Chi sà che a tanti avodi no 'l se piega?
E che al pubrico ben sia per lassarlo
D'agni svertù vero compresso e spegio
Che per volerghe ben baita guardarlo;
Per lù sì l'hà supprì, ma dirò megio
Per lù de genio l'ha volesto sar
El trionfo sto dì sprendido e regio
Della Bondanzia el Vendri Gnoccolar
E così forsi el so bel Regimento
Con grolia della Patria coronar.
Che sibben l'hà paresto un accidento,
Così hà volesto el Ciel ch'al sol Pisani
Fazza un bel paralel st'altro slufento;
Scrivi sto caso, e fà ch'anca i lontani
Da nù che vegnarà l'età futura
Veda sto Paralel de cori umani,
Che tutti Dù per nostra gran ventura
I s'habbia uniti a far parer un solo
Sol, che al prubico ben tutto madura;
Scrivi, e pò fà che la sama de sgolo
Con la trombeta in man e porta e spanda
Sto bel caso da questo all'altro polo,
Como sti Dù hà slusesto d'ogni banda
E tutti angualo, e como in concrusion
Senza rigor se reze e se comanda.
Scriva an quei de Sanzen de sta Fonzion
El bel el bon con generosità,
Fatta da sto ZENOBRIO e savio e bon.
Como per così dir l'hà radoppià
Della Bondanzia i frutti che ghe dona,
E che senza sparagno ancò ghe dà
Fà pur che a grolia della so Verona
Un degno Fiol s'hà visto a far da Pare
Dei poereti in la casion pì bona,
Le pì belle svertù subrime e rare,
Como dai fruti un legno se cognosse,
L'opera è quella che le fà pì chiare,
Oh quante belle e memorande cosse
Scriver se pol de sto degno Rettoro
Che l'amor della Patria recognosse.
E per farghe el pì bel e degno hanoro
Frà i so pì illustri annali in sta Città
Scriva el so Lomo e i fatti in Litra d'oro,
Ch'ogn'opera corona VERITÀ.