Siè cantè sora la villa/Per l'anno 1750
|
Edission original: |
Siè cantè sora la villa, colla zonta d'altre composizioni sora el Vendri Gnoccolaro de Verona, Verona, Dionigi Ramanzini, 1784 |
|
Fonte: |
| ← Per l'anno 1749 | Edission e fonte ▼ | Per l'anno 1751 → |
SEnza impazzarme in la so strologia
Me voi taccar al gusto del Schieson,
E voi provarme an mi de far la mia,
E menar dei provverbj el me spadon
Per i me Mattisavj, e chi vorrìa
Ai savjmatti far mudar punion,
Che donve batte e soppia Montebaldo,
Vada el cervel come và el vin al caldo.
Senza tante scritture voi coi fatti
Quel provverbio dal Mondo spegazzar
Che dis che i Veronesi è mezzi matti,
Perchè ghe piase godro, e allegri star.
Gne i patisce pocondria, lune, o flatti
Che i spilorzi, e i avari fà creppar;
E voi far vedro con la me dottrina,
Che negun pì dei matti la indovina.
E chigo agn'Omo dovarea saver
Che no l'è nato per star sempro al mondo,
El saviomatto è quel che vol aver
Sempro la parte intrega sul so tondo;
Ma el Mattosavio no g'hà sto penser,
Perchè vol godro tutto, e darghe fondo,
E vol redurse in stato a poder dir
Nudo son nato, e nudo ho da morir.
Se veze un ricco, e grando che ghe par
D'averghe tanta robba, e beni al Sol;
Che diese etè no possa confumar;
L'è un saviomatto, se eternar el vol
In cà la robba, e an morto commandar
Ma 'l matto savio gode pì che 'l pol,
Fà che la robba de sto mondo vada
Tutta de man in man per la so strada.
Quel negozianto mai sà star in ozio,
Per no far come tanti un brutto sal,
E ten da saviomatto in equinozio
I so libri, i so conti, e capital,
In man d'un mattosavio và el negozio
El lo suga, el lo magna è natural,
Che tutto quel che ven de Gninchegnanche
Se sà che l'hà nar de Tinchetanche.
Anca quell'artesan se strussia, e stenta
Como se 'l voles farse Zentilomo,
Se tratta agni dì a pan tristo, o polenta
Da Saviomatto, e sempro è poveromo
Ma 'l mattosavio sel guadagna trenta
El magna trenta e fà da galantomo,
Così osserva la leze: Tanto magna
Quanto onoratamente se guadagna.
Così el Villan che fà de notto dì
Per laorar e tendro al so interesso,
L'è un Saviomatto a voler far de pì
De quel che 'l pol, e trumentar sestesso;
El Mattosavio fà con digo mi
Doma quel che se pol, e ch'è permesso
All'Omo; perchè è mei per conto sò
Vivro da porco che morir da Bò,
La Donna se sol dir savia e modesta
Quando no la và in volta a bagolar;
Ma mi dirò che Saviamatta è questa
Che 'l genio della Donna vol strafar;
Ma fà la Mattasavia agni dì festa,
E manda le faccende a far squartar:
Cercar la Forta in tel debolo sesso,
E la Savia in le Donne è sempre eccesso,
Anca in te quel mester che fago mi
(Mester che no desprezzo, e che no lodo)
Gh'è tanti Savjmatti cosicchi
Che no vol farlo se no gh'è 'l so chiodo
Chiodo che costa caro ai nostri dì;
Mi Mattosavio no ghe l'ho, ma godo,
Che se no g'ho de scodro el gaudeamus,
No g'ho gnan del pagar el suspiramus.
Se quarcuno de bassa condizion
Dalla sortuna se veze inalzà,
El Saviomatto con la so fazion
Vol tegnerselo sotto calpestrà;
El Mattosavio ten la so rason,
El tratta con creanza, e carità,
E così col tegnerse tutti amighi
Fà feste a quel Figar che fà dei fighi.
Per vegner su 'l proposito dei Gnocchi,
El Saviomatto dis che i è mattade,
E un baccan de plebaja, e de pittocchi,
E de puttei che sbragia per le strade;
Ma el Mattosavio se mette su i fiocchi
E segonda l'usanza; onde non cade
Dir che 'l la falla, perchè in quarche logo
Se butta, e catta la pignata a fogo.
E sò che st'anno sotto sto RETTORO
Morevolo, benigno, e generoso
Se vezarà dei Gnocchi el pì mazoro
Tripudio che s'hai visto, e pì pomposo,
Perchè l'è ricco, e l'è de na Cà d'oro,
E un Reggimento l'hà da far grolioso;
Onde st'anno me spetto in tel bogon
Vedro la robba a motte in porcession.
Innasieve Puttei de criar Viva
E viva el Sior BENETTO VALMARANA,
E sbragiè tutti che la vose arriva
De là dai monti, e che vada lontana
La luminanza, e che zonza alla riva
De Canal grando, e se fesse la nana
Donn'Adria sela desmessiar ben presta
A sentir le novelle de sta Festa.
E Vù, Fama, a ste vose andando drè
Con la trombetta fèle rebombar
Per ogni banda; el Lomo prubichè
De sto degno RETTORO, e del so far.
Se in quarche Saviomatto scapuzzè
De ste faccende no ghe stè a contar,
Gne de sta bella festa ch'è stà fatta,
Se no volì che 'l diga che sì matta.
Desìghe che in tel tal logo le mode
Tutte è bandie; dove se và alla bona,
Che là no i tende se no a cosse sode,
Che là gnente s'impresta gne se dona,
Queste sti Savjmatti i scolta, e gode,
Ma se ghe contarì che ancò in Verona
Se fà dei chiassi, e che stà tutti allegri,
I farì dalla rabbia vegnir negri.
E questi s'ha da dir ch'Omeni i sia
Savj, se i contradise alla natura?
Che no vol tedj gne malinconìa
Sto po de tempo che sta vita dura?
E Matti se dirà chi la legrìa
E cerca, e gode indifferente, e pura?
Quella che no destruze l'esser d'Omo
Ma l'agrafo destingue, e 'l galantomo?
Ma finalmente al termine son zonto
De strenzerve le stroppe in concrusion,
Perchè far lite mai no torna conto
Gne a quel ch'hà torto gne a quel ch'hà rason
E de sta causa me reduso al ponto
De dir o ben o mal la me punion,
Avversarj, e Crienti ve consegio
Spartir da ugual Fradei che sarà megio.
Chigo con reverenzia a chi se sia
Ho inteso de parlar dai coppi in zò,
Gne de metro la lengua in segrestìa;
Parlo dei Matti che sà el fatto sò,
Che con quei da Ospedal, o da Galìa
No me ne impazzo, gne me impazzarò:
Salamon dà dei matti el vero conto,
Ne summa tutti; e l'hà ressolto el ponto.