Poesie veneziane del conte Francesco Cestari/Pel compleannos della contessina Sofia Spineda. Anacreontica

by Francesco Cestari

Pel compleannos della contessina Sofia Spineda ../No vado, no, ben mio

../Al nobile signore Guglielmo Marray amico dell'autore. Canzonetta

Francesco Cestari

Poesie veneziane del conte Francesco Cestari
dedicate alla nobile donna la signora marchesa Teresa Archetti Cauzzi

Pel compleannos della contessina Sofia Spineda

1819

Edission original:	Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819
Fonte:	Indice:Poesie veneziane del conte Francesco Cestari.djvu

← No vado, no, ben mio

Edission e fonte ▼

Al nobile signore Guglielmo Marray amico dell'autore. Canzonetta  →

PEL COMPLEANNOS

DELLA CONTESSINA

SOFIA SPINEDA

ANACREONTICA

Sofia, per mi sto zorno
     Esser no pol più belo
     Co penso che 'l xe quelo
     Che ti xe nata tì.

Tì, che ti xe fornía
     De tanti pregi e tanti,
     Che a dirli tuti quanti
     No bastaría sto dì.

Tì, fior de primavera
     Dei più graditi e rari,
     E che se vede chiari
     Ancuò tra Nu a spontar:

Perchè no xe frequenti
     Al mondo quei Spineda,
     Che le virtù posseda
     Sti fior da coltivar.