Poesie veneziane del conte Francesco Cestari/Al nobile signore Guglielmo Marray amico dell'autore. Canzonetta
1819
|
Edission original: |
Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819 |
Fonte: |
← Pel compleannos della contessina Sofia Spineda. Anacreontica | Edission e fonte ▼ | Alla contessina Antonietta Pola. Madrigale → |
Qualunque che te veda
Ce la chitara al colo
Se penserà che Apolo
Ancora sia tra Nu.
Dafne, el dirà, infelice,
Scampar ti ga podesto!
Perchè astu mai volesto
Finir cussì per Lu?
Parlar mi vogio adesso
De chi no sta a Treviso
De quei che a l'improviso
Vegna condoti Là, 1
La, dove che le Muse
Xe sempre radunae, 2
Dove no vien usae
Se non cordialità.
Quei po che te conosse
No più Dafne compianze,
Ste Veneri che pianze 3
Ghe move compassion.
Ste Veneri, che à visto
Che senza che anca Marte
De Diana impiega l'arte,
Perso le ga el so Adon.
No, no se trata adesso,
Che imbarazzà sia Giove,
Nè che Caliope in dove
T'abia da confinar:
El gran dolor che prova
8te Veneri infelici
Xe che no gh'è artifici
Capaci a indurte a amar,
Sastu perchè ogni tanto
Tì più no ti ghe vedi, 4
E no ghe xe rimedi
Che possa farte ben?
Le fa zirarte intorno
Cupido per bendarte:
Cussì le spera farte
Intenerir el sen.
Coragio, che la Note
Fin ora t'à proteto 5
Dal furbo puteleto
Con stabile favor.
Presto un'agnela negra
Ofrighe come Enea:
Finchè per tì è sta Dea
Ti pol sfidar Amor.
- Note
- ↑ [p. 31]L'Autore allude al Gabinetto dove il suo Amico aggravato da elliofobía, tolto ai raggi del sole passa il giorno fra i suoi amici.
- ↑ [p. 31]L'Autore sottintende con ciò gli amici del già nominato sig. Guglielmo Murray, la maggior parte dei quali, o suonano, dipingono, o compongono.
- ↑ [p. 31]Le Belle di Treviso corteggiate un tempo dall'enunciato amico dell'Autore.
- ↑ [p. 31]Di tempo in tempo viene assalito da convulsioni, dopo le quali per lungo tratto resta positivamente cieco.
- ↑ [p. 31]È noto a ciascuno che la elliofobía non esclude l'uso perfetto dell'occhio in tempo di notte.