Poesie veneziane del conte Francesco Cestari/Anacreontiche a Nina/6
|
1819
|
|
Edission original: |
Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819 |
|
Fonte: |
| ← 5 | Edission e fonte ▼ | 7 → |
VI.
Che voce, oh Dio! che musica!
Che melodia! che incanto!
Che nove mai delizie
Me fa provar quel canto!
In Paradiso st'anima
Adesso xe portada;
Divina xe l'imagine
Che xe da mì adorada.
Vedendote, sentindote,
Tuti con mì dirà
Che tì dal ciel, certissimo:
Discesa ti xe qua.
Ah! come amor da un anzolo,
Come che ti xe ti,
Sperar pol donca un misero
Mortal come son mi?