Poesie veneziane del conte Francesco Cestari/Anacreontiche a Nina/7

Xonta lingambo
Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 45 modifica]
VII.


Apena che 'l to viso
     Se xe incontrà col mio
     In bota m'ò sentío
     El cuor a palpitar.

D'alora in qua, Nineta,
     Co no te son d'arente,
     No trovo gusto in gnente
     Tuto me fa stufar;

E in vece co me vedo
     Vicin a tì un momento,
     Mì provo un tal contento,
     Che in cielo no se dà.

Vicin, lontan in fati
     Che al so bel viso sia...
     Quel che mì dir voría,
     Nineta, ti lo sa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Poesie_veneziane_del_conte_Francesco_Cestari/Anacreontiche_a_Nina/7&oldid=56200"