Poesie veneziane del conte Francesco Cestari/Anacreontiche a Nina/22

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 60 modifica]
XXII.


Sognà me son sta note
     Che gera dì, e soleto
     Andava in quel boscheto
     El fresco a respirar;

In quel boscheto, Nina,
     Dove che Amor s'à sconto
     Quando che tanto pronto
     El ne xe stà a chiapar.

Apena là me trovo
     Mì sento un'armonía
     Soave melodía
     Da l'alto in zo vegnir.

Sorpreso, sbalordío,
     Me fermo, ascolto, e sento:
     „ No perder sto momento ”
     Celeste voce a dir.

[p. 61 modifica]


„ De tanti pregi e tanti
     „ Fornía xe la to Nina;
     „ Che Giove citadina
     „ Vol che la sia del Ciel:

„ Genii de vario sesso
     „ Vegnimo a tor sta Dea;
     „ Te lassa Nina, e rea
     „ No xe, nè xe infedel ”.

Mì come un mato, in bota
     De qua e de là cercandote,
     Andava via zigandote:
     „ Aspeta, per pietà ”.

Cossa po in quel momento
     Gh'abia provà nel cuor,
     Per mì te 'l diga Amor,
     Che alora m'à svegià.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Poesie_veneziane_del_conte_Francesco_Cestari/Anacreontiche_a_Nina/22&oldid=56241"