Pagina:Poesie veneziane del conte Francesco Cestari.djvu/61

Da Wikisource
Sta pagina la xe stà trascrita, ma la gà ancora da vegner rileta.


„ De tanti pregi e tanti
     „ Fornía xe la to Nina;
     „ Che Giove citadina
     „ Vol che la sia del Ciel:

„ Genii de vario sesso
     „ Vegnimo a tor sta Dea;
     „ Te lassa Nina, e rea
     „ No xe, nè xe infedel ”.

Mì come un mato, in bota
     De qua e de là cercandote,
     Andava via zigandote:
     „ Aspeta, per pietà ”.

Cossa po in quel momento
     Gh'abia provà nel cuor,
     Per mì te 'l diga Amor,
     Che alora m'à svegià.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veneziane_del_conte_Francesco_Cestari.djvu/61&oldid=56240"