Poesie veneziane del conte Francesco Cestari/Anacreontiche a Nina/10
|
1819
|
|
Edission original: |
Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819 |
|
Fonte: |
| ← 9 | Edission e fonte ▼ | 11 → |
X.
Sta Note el fio de Venere
In sogno a comparirme
Go visto, e dopo a dirme
Lo go sentío cussì>
„ Cossa vol dir che timido
„ Ti xe con Nina adesso
„ Se ardito col bel sesso
„ Ti geri tanto un dì? ”
Cossa vol dir? „ Ah perfido! ”
Mì go risposto alora,
„ Ti ga coragio ancora
„ De domandarlo a mì? ”
Per Nina el cuor ferindome,
In fin da quel momento
De sto mio cambiamento
Ti è stà la causa tì.