Pagina:Poesie veneziane del conte Francesco Cestari.djvu/48

Da Wikisource
Sta pagina la xe stà trascrita, ma la gà ancora da vegner rileta.
X.


Sta Note el fio de Venere
     In sogno a comparirme
     Go visto, e dopo a dirme
     Lo go sentío cussì>

„ Cossa vol dir che timido
     „ Ti xe con Nina adesso
     „ Se ardito col bel sesso
     „ Ti geri tanto un dì? ”

Cossa vol dir? „ Ah perfido! ”
     Mì go risposto alora,
     „ Ti ga coragio ancora
     „ De domandarlo a mì? ”

Per Nina el cuor ferindome,
     In fin da quel momento
     De sto mio cambiamento
     Ti è stà la causa tì.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veneziane_del_conte_Francesco_Cestari.djvu/48&oldid=56207"