Per la moda
|
Edission original: |
Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920 |
|
Fonte: |
| Edission e fonte ▼ |
PER LA MODA.
A noi done ne piasi, confessemo,
Andar sempre ala moda e figurar.
Per questo qualche volta se adatemo
De farse anca un pocheto criticar.
Adesso po savè quel che ne speta?
Bisogna che imparemo a caminar.
La còtola1 i vol farne tanto streta
Che ghe volarà studio a no cascar.
Un signor che protegi el nostro sesso
Ga dito: Gnanca furbe no parè;
Gavè le man ligade... e ancora adesso
Pensè de farve ben ligar i piè!
Poesia scritta nel 1910 quando minacciava la moda dell'entrave
- Note
- ↑ còtola, gonnella.