Patria mia, te saludo; adio, contrae

by Jacopo Vincenzo Foscarini

4 Patria mia, te saludo; adio, contrae Soneti in dialeto venezian Tì fra le strage e i stenti de la guera Noterela Jacopo Vincenzo Foscarini 1825 XIX Soneti

Indice:Soneti in dialeto venezian.djvu

Jacopo Vincenzo Foscarini ―  Soneti in dialeto venezian

Patria mia, te saludo; adio, contrae

1825

Edission original:	Jacopo Vincenzo Foscarini, Soneti in dialeto venezian de Giacomo Vicenzo Foscarini patrizio veneto, Padova, 1825
Fonte:	Indice:Soneti in dialeto venezian.djvu

←  Tì fra le strage e i stenti de la guera

Edission e fonte ▼

Noterela  →

Patria mia, te saludo; adio, contrae,
    Che nasser m'avè visto; adio, laguna,
    Che posso dir ti me xè stada cuna,
    4E dove gò passa la prima etae!
Ma quei gera altri tempi, altre zornae,
    No gaveva sto cuor passion gnissuna;
    Le mie speranze no gera ligae
    8A un amor contrastà da la fortuna.
Ma sti pensieri a monte: adesso in testa
    Gò el cimier, spada al fianco, e vado via,
    11Chè amor ardir de guera in cuor me desta.
Adio, parenti! adio, Venezia mia!
    La memoria de mi fè che ve resta.....
    14Respeta, o mar, la povera Lucìa.