Pagina:Versi di Luigi Plet.djvu/46

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.


3

Ne la fazzada istessa, quel autor,
     Tre o quatro righe prima de voltar,
     El dise mirabilia de l'onor
     Che s'à fato Maometo in t'un disnar,
     Massime per el gusto e per l'odor
     D'un certo piato soo particolar
     A l'improviso in tola capità,
     E che gera, in sostanza, Bacalà.

4

El conta, un fià più avanti, che a Pekin,
     Quando l'Imperator, sora un soler,
     Riceve omagi, soto un baldachin,
     Tute quante le done ga el dover
     De andar a pie descalzi, co' un cain
     De roba calda ben, conza a piacer,
     Per farghene un presente a So Maestà:
     Cossa xela sta roba? Bacalà.

5

Kekakalà, quel celebre visir
     Morto, giusto a Pekin, nel mile e do,
     (Cossa ch'el Gritti no à savesto dir
     Co' de lu el ga parlà, ma che mi so
     Dal documento che posso esibir
     In quela copia autentica che go )
     Ogni zorno el visir Kekakalà
     In corte aver voleva Bacalà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Versi_di_Luigi_Plet.djvu/46&oldid=65447"