Pagina:Versi di Luigi Plet.djvu/45

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.
EL BACALÀ




1

Uno loda el bisato; un altro el ton;
     Quelo porla la rasa e questo el go;
     Qua se esalta l'orada e là el barbon;
     Chi preferisce el rombo e chi l'inchiò;
     El molo Cajo vol; Tizio el sardon;
     Ma, in fazza de qualunque, mi dirò
     Ch'el pesse, che dev'esser più stimà
     Per tute le rason, xe 'l Bacalà.

2

Esiste un manoscrito a Liverpol,
     Portà gran ani in drio dal Senegal,
     Che, co' gh'è mezo, consultar se pol
     E che xe tuto erudizion, nel qual
     In modo incontrastabile se vol,
     Co' vegnimo a la Storia Natural,
     Che quel pesse che s'à petrificà
     Primo de tuti fusse un Bacalà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Versi_di_Luigi_Plet.djvu/45&oldid=65446"