Pina. Lavorando de sfroso perchè el paron no lo veda...
Piero. Siora sì, e chi ga rabia cica!
Arturo. (a Pina) Non è troppo gentile, il prode garzone...
Pina. Mah! Cossa vorlo? Tuta la so gentilezza el la frua co le fate bionde...
Arturo. (galante) Mentre anche le brune ne sarebbero degne...
Piero. (andando nel corridoio) Ben, quele el pol tegnirsele lu!
Pina. (ad Arturo) Oh, el lo compatissa, salo, el xe un povaro ignorante...
Arturo. Eh, me ne accorgo, ma mi dispiace per lei...
SCENA X.ª
Zaneto e detti.
Zaneto. (uscendo da sinistra) Xelo tornà Piero? (Vedendo Arturo gli fa un profondo inchino) Servosuo!
Pina. Si, el ga da esser de là. Varda, papà, sto signor gera vegnudo per farse meter un per de salvatachi... Mi go mostrà questi..
