Pagina:Trieste vernacola.djvu/139

LA DONA DE CASA DEL QUARTO PIAN

La riva a tuto:¹ a tender la cusina,
Far la spesa, le camere, lavar,
Straponzer i abitini, sopressar,²
E vestir quattro fioi ogni matina.

Bionda, grassota, rossa e picinina,
La se dòndola³ assai nel caminar;
E co la va un momento zo a comprar,
La se meti una vecia mantelina.

Ma co xe festa, i fa la baracada;⁴
Davanti, i fioi coi stivaieti bianchi,
Ela col capelin, ben inguantada,

A brazzo del marì la scassa i fianchi,⁵
La se diverti un mondo in ogni gita,
E la ridi, contenta dela vita.

1. la riva a tuto, arriva a far tutto, cioè fa a tempo a far tutto
2. straponzer i abitini, rammendare i vestitini; sopressar, stirare
3. la se dòndola, si dimena (voce più veneziana che triestina)
4. la baracada, la gozzoviglia
5. la scassa i fianchi, agita, scuote, in questo senso, dimena i fianchi.