LA SIGNORINA DEL TERZO PIAN
Alta e sutila ma con bele spale,
Con un museto schizzo1 birichin,
La studia nela «sesta liceale»
E ghe fa assai la corte un studentin.
La va al tennis, ai bali, al Comunale,2
A un corso de pitura e de violin;
Ma per tuta la strada, fin le scale,
Ghe cori sempre drio quel moscardin.3
La legi assai — romanzi specialmente —
E ale scene de amor la se figura
D'esser ela abraciada col studente.
Cussì le classi4 a scola xe un oror!
Ma le «seconde» no ghe fa paura:
Ghe basta esser la «prima» nel suo cor!
