II.
(Otto giorni dopo).
— Ciò, co se disi le combinazion;
Adesso se incontremo ogni momento.
— Ben, la me conti un pochetin, che sento,
Coi sposi, no se parla, va benon?
— Se la vol che ghe digo, el xe un tormento;
Per ogni picolezza xe un muson,
El la cruzia1 che proprio fa passion;
El xe geloso, no 'l xe mai contento.
— Oh coss'che la me conta; ma, la sa,
Se go de dirghe tuto, go sentì,
De certe informazìon che i me ga dà;
Gnente de tal2 insoma! — Go capì;
Meio che la lo lassi in verità,..
— Ma se xe quel che ghe disevo mi!
