Pagina:Trieste vernacola.djvu/107

Da Wikisource
Sta pagina la xe stà trascrita e rileta.
I PROMESSI SPOSI.


— Oh bongiorno, signora; come va?
― Xe tanto tempo che no se vedemo.
— Xe 'na combinazion che se incontremo,
Perchè mia fia se sposa; no la sa?

— Noi no savemo gnente, no savemo.
Ma la me conti un poco; cossa 'l fa?
Chi 'l xe? la conti suso!1 — In verità
Xe proprio un gran partito, e ciò, speremo..

Un giovine modelo, de giudizio,
Pien de talento, bona posizion,
E po, coto, ma coto, cara mia!...

Ma lu no 'l ga un difeto, no 'l ga un vizio,
E bon che no ghe digo; massa bon;2
Mi son più inamorada de mia fia.

  1. la conti suso, suvvia, ci racconti
  2. massa bon, troppo buono.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/107&oldid=65844"