BARUFE IN FAMEIA
«No torno a casa un giorno da botega
Che no te trova in strada a ciacolar;
Son straco morto e inveçe de magnar
Bisogna che te impianta mesa bega....
Si, posso ben çigar, la se ne frega:
La crede che me goda a brontolar;
La core su un momento a pareciar
E po’ la torna zò con la carega.28
Ma che sarvel da gato gh’etu ti?
Elo un esempio che te dè a to fiola!
Un giorno o l’altro la finisso mi.....
Che no ghe sia redensio,29 no, bardasse:
Intendìila ’na volta sta parola
De star in casa a taconar le strasse!»30
