I VICOLI
Po’ su, po’ zò, i è tuti quanti stessi
Sti siti de miserie e de dolori;
Umidi, scuri e pieni de fetori
Che a starghe un ano solo moriressi.
Ma là i afiti i costa póchi bessi,
Ciapadi21 a stento, a forsa de sudori;
Là, dove no ghe mete piè i signori,
Quanti ghe vive, mai no ’l credaressi!
I fa vita in comun fra tuti quanti;
E in meso a tanta gente bisognosa
Missiadi22 su co i boni gh’è i birbanti.
Fe quatro passi e dèghela ’n’ociada;
E ci g'à in corpo un’anima pietosa
L’impararà che vita disgrassiada!
