’ORCHI DE SCHEI!...
(Parla un capo de fameia)
Quando andava a scoleta da putin,
E la mama me dava un bel scheeto,22
El cor el me fasea tic, tac, nel pèto
E coreva a comprarme un sucarin.23
A dodes’ani, se g’avea un vintin
Sbrissiava a tor 'na bala o un moscoleto;24
E, a vinti, me fraiava un bel francheto
Fra oveti freschi e qualche bon quintin.
Da vintiçinque, se tègnea in scarsela
’Na pöeia25 da diese; che sioreto!...
Fasèa un regal da re a la me putèla.
Coi fioi, adesso, no ghe penso gnanca:
'Na cartela da çento? malingreto,
L’è come che g’avesse ’na palanca!
